ദ്രുവ നക്ഷത്രങ്ങൾ

വായനയോളം ഒരു മനുഷ്യാത്മാവിൻ്റെ അതിരുകൾ പുനർനിർവചിക്കാൻ പോന്ന മറ്റെന്തെങ്കിലും ഉണ്ടോ എന്നറിയില്ല. കല്പ‌ിതമായ ഒരു മനുഷ്യാത്മാവിന്റെ വേദനകളും വിഹ്വലതകളും വായനക്കാരന്റേത് കൂടിയായി മാറുന്ന ഒരു മാന്ത്രികത ആ പ്രക്രിയക്കുണ്ട്. ആ മനുഷ്യാത്മാവിൻ്റെ അനുഭവങ്ങൾ നമ്മളെയും അസ്വസ്ഥമാക്കുന്നു. ചിലപ്പോഴെങ്കിലും കൺകോണിൽ എവിടെയോ നനവ് പൊടിയിക്കുന്നു. 

'ഒരു കണ്ണീർക്കണം ഞാൻ മറ്റുള്ളവർക്കായ് പൊഴിക്കവേ/ ഉദിക്കയാണെന്നുള്ളിൽ ആയിരം സൗരമണ്ഡലം' എന്ന് അക്കിത്തം കുറിച്ചത് പോലെ ഓരോ പുസ്‌തകവും നമുക്ക് സമ്മാനിക്കുന്നത് ഉൾകാഴ്ച്ചയുടെ ഒരായിരം സൗരമണ്ഡലങ്ങളാണ്.